HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4226 Shôken Vakfı'nın 1928 senesi îrâdı 1929 senesinde tevzîʻ edileceğinden millî Salîb-i Ahmer Cemʻiyetleri tarafından vukûʻ bulacak mürâcaʻatların 31 Kânûn-ı Evvel 1928 târîhine kadar Cenevre Merkez Komitesi'ne teblîğ edilmesi usûldendir. Muhtelif millî Salîb-i Ahmer Cemʻiyetleri erkân ve rüesâsıyla Gençlik Salîb-i Ahmer mesâili hakkında teʻâtî-i fikir ve nazar etmek üzere Paris'den Mart'ın seki- zinde hareket eden Salîb-i Ahmer Cemʻiyetleri Heyʼet-i İttihâdiyesi Gençlik Kısmı Murahhas-ı Umûmîsi Miss Benedict Avusturya, Macaristan, Yugoslavya, Roman- ya'yı ziyâret etdikden sonra ahîren İstanbul merkezimi- zi, Hilâl-i Ahmer Sanʻatevi'ni, Hastabakıcı Mektebi'ni ve Mecmûʻa idâresini ziyâret etmişdir. Ziyâretlerinden çok iyi bir intibâʻ ile İstanbul'u terk eden Miss Benedict kendisine karşı gösterilen âsâr-ı mihmân-nüvâzîden de ziyâdesiyle memnûn kalmışdır. _______________ İsveç Bir Sıhhiye Tayyâresi Mübâyaʻası İsveç Salîb-i Ahmeri'nin İsveç'in kısm-ı şimâlîsi için hastalara mahsûs teʼsîs etdiği tayyâre nakliyâtı git- dikçe tekâmül ve terakkî etmekdedir. Cemʻiyetin ahîren 80.000 kron kıymetinde Jun- kers sisteminde inşâ etdirdiği tayyâre ile iki hasta ve bir hastabakıcının nakli teʼmîn edilmişdir. Her türlü esbâb-ı istirâhati câmiʻ olan bu tayyâre- nin tenvîr ve teshîni bir tarz-ı mahsûsda tertîb olunmuş- dur. Hasta teskereleri, ambülans otomobillerine kâbil-i tatbîk olabilecek bir tarzda yapılmış olduğun- dan hastaların bir teskereden diğerine naklinde aslâ zahmet çekilmeyecekdir. Bundan mâʻadâ tayyâre, îcâb ederse deniz ve karaya inebilecekdir. _______________ Almanya Tahlîsiye Merkezleri Alman Salîb-i Ahmeri sâhil-i bahrda veya miyâh-ı câriye ve enhâr etrâfında teşekkül edecek tahlîsiye ilk imdâd merkezleri için âtîdeki taʻlîmâtı neşretmişdir: 1-Hükûmet-i mahalliye, sigorta şirketleri, polis, itfâiye ve sefâin ashâbı ve diğer alâkadâr [464] teʼsîsât mümessillerinden mürekkeb husûsî komiteler teşkîl edilecekdir. Miss Benedict Miss Elsie Graves Benedict Deléguée générale de la Croix-Rouge de la Jeunesse