HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3825 Hükûmet-i Osmaniye, Cenevre Mukâvelenâmesi'ni kabûl ve ahkâm-ı umûmiyesini tasvîb etdi- ği hâlde hîn-i hâcetde mecrûhîn ve marzâ-yı askeriyeye muʻâvenet için memleketde hiçbir teşebbüs- de bulunmuyor ve hiçbir müessese meydâna getirmiyordu. *** Memleketimizde Hilâl-i Ahmer'in teşekkül ve teessüsü için ilk defa teşebbüsde bulunan zât aslen Alman ve ismi Hammerschmidt olan Mîralây Doktor Abdullah Bey'dir. Hilâl-i Ahmer târîhinde ismini bir hürmet-i mahsûsa ile yâd edeceğimiz bu büyük insâniyet-per- ver, Mekteb-i Tıbbiye İlm-i Tabakâtü'l-Arz muʻallimliğinde bulunduğu esnâda Hükûmet-i Osmaniye tarafından Paris'de açılan umûmî sergiye murahhas taʻyîn ve iʻzâm edilmiş idi. [131] Doktor Kırımlı Aziz Bey Dr. Aziz Bey Henry Dunant Henry Dunant, un des fondateurs de la Croix- Rouge Sergi münâsebetiyle Paris'de inʻikâd eden Sıhhiye Konferansı'na da iştirâk etmiş olan Abdullah Bey de Cenevre mukarrerâtından memleketini müstefîd etmek fikir ve arzusu hâsıl oldu ve umûmî murahhaslar komisyonuna iştirâk eden rüfekâsına bu arzusunu teblîğ etdiği zamân alkışlandı. Beynelmilel Paris Kongresi Reîsi Le Comte Sérurier'nin bu münâsebetle Abdullah Bey'e yazdı- ğı mektûbun tercemesini târîhî bir vesîka olmak iʻtibârıyla aşağıya derc ediyoruz: "-Paris, 22 Teşrîn-i Sânî 1867 Azîz refîkim murahhas efendi, Umûmî kongremizde ibrâz buyurulan saʻy ü gayretiniz ve kıymetli muʻâvenetiniz hakkında imparator hazretlerine arz-ı maʻlûmât etmesini Devlet-i Aliyye-i Osmaniye'nin Paris sefirinden ricâ etmiş idim. Rüfekâmın sizinle peydâ etdikleri münâsebâtdan ne kadar memnûn kaldıklarını şehrimizden avdet edeceğiniz şu sırada size bir daha tekrâr etmek isterim.