HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3827 "-Böyle bir âkıbetin ortadan kaldırılmasında her beşerî hükûmet, her âile alâkadârdır ve Cenev- re Mukâvelenâmesi'nin vazʻ etdiği prensiplerin [133] kabûlünden sonra bedbaht bir harb mecrûhu artık bu âkıbete dûçâr olmayacakdır". Beyânnâne, bundan sonra beşeriyetin terakkî ve inkişâfını arzu edenlerle bilhâssa muhârebe meydânlarının elîm ve hûnîn sahnelerinde hâzır bulunarak çekilen ıztırâbâtı herkesden ziyâde takdîr etmesi lâzım gelen etıbbâya tevcîh-i hitâbla diğer memleketlerde olduğu gibi İstanbul'da da Mec- rûhîn-i Asâkir-i Osmaniye'ye Muʻâvenet Cemʻiyeti'ni teʼsîs etmek üzere muvakkat bir komite teşkî- line muzâheret edilmesini taleb ediyordu. Kırk üçü tabîb olmak üzere altmış altı zât Abdullah Bey'in bu daʻvetine hemen icâbet etdiler. Ömer ve Edhem Paşalar, İngiltere Sefâreti Râhibi Curtis, Avusturya sefîri, bazı ricâl-i siyâsiye ve ümerâ-yı askeriye bu zevât meyânındadır. *** Bu esnâda 22 Ağustos 1864 mukâvelenâmesinin mevâdd-ı müzeyyelesini tanzîm ve mecrûhîne muʻâveneti efrâd-ı bahriyeye de teşmîl etmek maksadıyla 1868 Teşrîn-i Sânî'sinde Berlin'de ikinci bir siyâsî konferans ictimâʻa daʻvet edildi. Bu defa Hükûmet-i Osmaniye Paris Sefârethânesi Ateşemiliteri Binbaşı Hüsnü Efendi'yi mu- rahhas intihâb etdi. Bir sene sonra 1869 senesi Nisan'ında da Berlin Sefî- ri Aristaki Bey, Berlin Konferansı'nda Türkiye murahhası olarak müzâkerâta faʻâl bir tarzda iştirâk etmiş olduğundan İstanbul'da Abdullah Bey'in teşebbüsâtı bir kat daha kesb-i kuvvet etdi. Zâten muvakkat bir komite teşkîl edecek kadar aʻzâ dahi mevcûd olduğundan icrâ kılınan intihâbda Marko Paşa riyâsete, Doktor Mongeri reîs vekâletine, Doktor Ab- dullah Bey kâtib-i umûmîliğe, Doktor de Castro ve Doktor Limonidis Bey kâtib muʻâvinliğine ve İngiltere Sefâreti Râ- hibi Charles Curtis veznedârlığa taʻyîn olundular. Diğer tarafdan Meclis-i Umûr-ı Sıhhiye Reîs-i Sânîsi Doktor Salih Bey, Doktor Mavroyani ve de Castro'dan mü- teşekkil olup nizâmnâme-i esâsîyi tertîbe meʼmûr edilen ko- misyon da ikmâl-i vazîfe etmiş bulunduğundan kaleme alı- nan lâyiha 7 Temmuz 1869 târîhli ictimâʻda kırâat edilerek ittifâk-ı ârâ ile kabûl olundu. Ancak, bu muvaffakiyeti ileri götürmek için hükûme- tin cemʻiyeti resmen tanıması ve bu teşebbüsün menâfiʻ-i umûmiyeye hâdim olduğunu takdîr etmesi lâzım geliyordu. Binâenaleyh muvakkat komite tarafından kaleme alı- nan nizâmnâme-i esâsî lâyihası berây-ı tasdîk Bâbıâli'ye gönderildi. Meclis-i Umûr-ı Sıhhiye Reîs-i Sânîsi Doktor Salih Bey Dr. Salih Bey, Vice-président du Conseil Supérieur Santé