HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4251 tebeyyün edenlerin vazîfesine nihâyet verilir. Vazîfesine nihâyet verilen nâmzedler cemʻiyetden bir gûnâ hak iddiʻâsında bulunamazlar. Mâdde 5- Hilâl-i Ahmer meʼmûrları ticâret ve sınâʻatle iştigâl ve diğer cemʻiyetlerde ve şirket- lerde veya resmî dâirelerde vazîfe derʻuhde edemezler. Mâdde 6- Hilâl-i Ahmer meʼmûrlarının siyâsî kulüp ve cemʻiyetlere intisâbı ve devâmları ve siyâsî neşriyâtda bulunmaları memnûʻdur. Mâdde 7- Her meʼmûrun bir sicili bulunur ve âtîdeki husûsât sicilin esâslarını teşkîl eder: a-İsmi, mahlası, lakabı b-Pederinin ismi, vâlidesinin ismi c-Tevellüd târîhi, doğduğu yer ve memleketi d-Tahsîli ve müktesebât-ı sâiresi e-Nafakası üzerine vâcib olan kimseler f-Mazhar olduğu mükâfâtlar ve esbâbı g-Dûçâr olduğu mücâzâtlar ve esbâbı [478] h-Bulunduğu meʼmûriyetler ı-Emlâkı ve serveti i-Ahvâl-i sıhhiyesi Mâdde 8- Her meʼmûr, siciline rabt edilmek üzere her dört senede bir yeni fotoğrafîsini mensûb olduğu dâireye vermekle mükellefdir. Mâdde 9- Merkez-i umûmî sicil kaleminde meʼmûrînin sicillâtı ve her meʼmûra âid bir mah- rem dosya bulunur. Meʼmûrînin ahvâl-i zâtiyeleri, hulk ve sîretleri gibi husûsât hakkında âmirlerin verdikleri tezkiye varakaları ve raporlar mündericâtı sicillerine işâret edilmeyip kâtib-i umûmîlikçe görüldükden sonra mahrem dosyasına vazʻ olunur. Mahrem dosyalar tahrîrât ve sicil müdürünün taht-ı muhâfazasındadır. Mâdde 10- Heyʼet-i idâre karârına iktirân etmeyen mükâfât ve mücâzâta müteʻallik hiçbir mâd- de sicile derc edilmez. Mâdde 11- Her meʼmûra isbât-ı hüviyete medâr olacak fotoğraflı bir hüviyet cüzdânı verilir. Bu cüzdân meʼmûrun infikâkinde kendisinden istirdâd olunur. Mâdde 12- Meʼmûrlar derece iʻtibârıyla üç sınıfa ayrılırlar: Müdürle müfettişler birinci sınıf, anbâr şuʻbe meʼmûrları ve müdür muʻâvinleri, mümeyyizler ve maʻâş ve tahsîsâtı yekûnu yüz yirmi lira ve bunu mütecâviz meʼmûr ve kâtibler ikinci sınıf, tah- sîsâtı yüz yirmi liradan dûn bulunan meʼmûr ve kâtibler de üçüncü sınıf addolunurlar. Kadroya dâhil hademe ve müstahdemîn ayrı bir sınıf teşkîl ederler. Mâdde 13- Birinci sınıf meʼmûrînin taʻyîn ve azilleri heyʼet-i idâre karârı ve merkez-i umûmî- nin tasdîkiyle, ikinci sınıf meʼmûrînin taʻyîn ve azilleri makâm-ı riyâsetin tasdîkiyle icrâ edilir. Mâdde 14- Muvakkat meʼmûrlardan şehrî yüz liraya kadar ücret alanlar doğrudan doğruya riyâset tarafından, bundan yukarıda da heyʼet-i idâre karârıyla taʻyîn olunur.