HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4253 Mâdde 21- Merkez-i umûmî veya müessesâtdan herhangi birinde meʼmûriyet inhilâl edince o müessese meʼmûrlarından biri terfîʻan taʻyîn olunur. Mevcûd meʼmûrîn meyânında ehli bulundukça hâricden meʼmûr alınamaz. Mâdde 22- Meʼmûrlar yekdiğerine muʻâvenet ve muzâherete mecbûrdurlar. Mâdde 23- Meʼmûrların becâyişleri tarafeynin rızâlarıyla heyʼet-i idârenin muvâfakat ve karâ- rına tâbiʻdir. Mâdde 24- Umûm meʼmûrların çalışma sâʻatleri mevsim îcâbına göre altı sâʻatden sekiz sâʻate kadar tebeddül eder. Mesâʻî sâʻatleri riyâsetçe tesbît olunur. Tahrîrât, muhâsebe ve anbâr müdürleri için lede'l-îcâb mesâʻî sâʻatleri hâricinde iş görmek mecbûrîdir. Ancak herhangi fevkalâde ahvâlde geceleri ve eyyâm-ı taʻtîliyede le-ekal dört sâʻat devâm edecek mesâʻî için müdür ve meʼmûrlara maʻâşlarının bir günlüğü nisbetinde yevmiye verilir. Mâdde 25- Nizâmnâmede muʻayyen bir sebeb olmadıkça hiçbir meʼmûrun vazîfesine idâreten nihâyet verilemez. Mâdde 26- Meʼmûrlar müctemiʻan taʻtîl-i eşgâl edemez. Aksi takdîrde müşevvikler ihrâc ve diğerleri muhtelif sûretlerle cezâlandırılırlar. Taʻtîl-i eşgâle mükerreren iştirâk edenler müşevvik ol- masalar dahi ihrâc edilirler. Mâdde 27- Hilâl-i Ahmer'in bir meʼmûrîn ve teshîlât sandığı olacakdır. İşbu [480] sandığın vâridât, umûr ve muʻâmelâtı ayrıca bir taʻlîmâtnâme ile tesbît olunur. Mâdde 28- Bir meʼmûrun vukûʻ-ı vefâtında o meʼmûr meʼmûriyetinde beş seneyi ikmâl etme- miş ise âilesine iki, beş seneyi ikmâl etmiş ise üç, on seneyi ikmâl etmiş ise dört, on beş seneyi ikmâl etmiş ise beş, yirmi ve daha ziyâde seneleri ikmâl etmiş ise altı maʻâş nisbetinde muʻâvenetde bulu- nulur. Bu muʻâvenet meʼmûrînin sigorta vesâir hukûkundan hiçbir sûretle mahsûb edilmez. Mâdde 29- Her meʼmûr Hilâl-i Ahmer hizmetine dâhil olduğu zamân cemʻiyet tarafından en emîn bir sigorta şirketinin hayât sigortasına kaydetdirilir. Poliçeler meʼmûrlar nâmına tanzîm edilirse de bunların cemʻiyet nâmına ciro edilmesi mecbûrîdir. Mâdde 30- Meʼmûrînin sigorta müddetleri yirmi senedir. Mâdde 31- 12'nci mâddedeki tasnîf mûcebince birinci sınıf meʼmûrlar beş bin, ikinci sınıf meʼmûrlar üç bin ve üçüncü sınıf meʼmûrlar iki bin ve hademe ve müstahdemîn bin lira üzerinden sigorta etdirilir. Fazla mikdâr üzerinden sigorta olmak isteyen meʼmûrlar fazlaya âid primi tamâmen derʻuhde etdikleri takdîrde istedikleri mikdâr üzerinden sigorta etdirebilirler. Mâdde 32- Meʼmûrînin sigortalarına mukâbil sigorta şirketine her sene tesviye edilmesi lâzım gelen mebâliğin yüzde altmışı cemʻiyet ve yüzde kırkı meʼmûr tarafından teʼdiye edilir. Meʼmûrun vereceği sigorta ücreti doğrudan doğruya maʻâşından katʻ sûretiyle cemʻiyet tarafından şirkete tevdîʻ olunur. Mâdde 33- Meʼmûrîn sigortalarında cemʻiyet tarafından tesviye edilecek meblağ asgarî üc- retle sigorta edilen meʼmûrun sigorta ücretine kıyâsen verileceğinden terakkî-i sin veya herhangi bir ârıza-i bedeniye veya hastalık dolayısıyla sigortaları fazla ücrete tâbiʻ olacak meʼmûrlar asgarî sigorta ücretinin farkını kendileri teʼdiye ederler. Ancak bu nizâmnâmenin tasdîki zamânında mevcûd meʼmûrlar bu hükümden müstesnâdır. Mâdde 34- İşbu nizâmnâmenin kongrece kabûl ve tasdîki târîhinden şimdiye kadar sigorta edil-