HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4254 miş meʼmûrînin sigortaları sigorta edildikleri târîhden iʻtibâren 31'inci mâddede beyân olunan mik- dârlara iblâğ ve fazlalar bu mikdârlara tenzîl olunur ve sigorta fark ücretleri 32'nci mâdde mûcebince tesviye edilir. Henüz sigorta edilmemiş meʼmûrlar da nizâmnâmenin kabûlü târîhinden iʻtibâren si- gorta etdirilirler. Mâdde 35- Herhangi bir kabâhat ve cürme istinâd etmeyerek gerek kadrodaki tensîkât gerek hastalık dolayısıyla vazîfesine nihâyet verilen meʼmûra Hilâl-i Ahmer hizmetinde iki seneyi ikmâl etmiş ise hîn-i infikâkinde almakda olduğu şehrî maʻâşının iki misli, dört seneyi ikmâl etmiş ise üç misli, altı seneyi ikmâl etmiş ise dört misli, sekiz seneyi ikmâl etmiş ise beş misli, on sene ve daha ziyâdesi için de altı misli nisbetinde defaten tazmînât verilir. İki seneden az hizmeti olan meʼmûrlara bir şey verilmez. Mâdde 36- Bir meʼmûr bidâyet-i taʻyîninden iʻtibâren beş sene nihâyetine kadar olan müd- det zarfında kendi [481] arzusuyla ve cemʻiyetin muvâfakatı olmaksızın cemʻiyetden infikâk veya cezâen ihrâc edildiği takdîrde sigorta hakkını gâib eder ve verilen primler tamâmıyla cemʻiyete âid olur. On sene müddet hizmeti olup da bu sûretle terk-i hizmet edenlere primlerin istirdâdı hâlinde yüzde kırk mikdârı iʻâde olunur. On seneden fazla hizmeti olanlara poliçeleri devredilir. Fakat cemʻi- yetçe primlerin iʻtâsına devâm olunmaz. Hastalık veya tensîkât gibi sebeblerle vazîfesine nihâyet verilen meʼmûrların 35'inci mâddedeki tazmînâtı aldıkdan başka sigorta poliçeleri iʻâde edilir. O zamâna kadar verilen primler kendisinden istirdâd edilmez. Mâdde 37- Hilâl-i Ahmer hizmetinde lâ-ekal yirmi seneyi ikmâl eden meʼmûr mâdde-i ânife mûcebince verilecek tazmînâtın iʻtâsıyla vazîfesinden afvını taleb edebilir. Mâdde 38- Hilâl-i Ahmer hizmetinde lâ-ekal yirmi beş seneyi ikmâl eden meʼmûrun rızâsına bakılmayarak altı maʻâş nisbetindeki tazmînâtı verilmek sûretiyle vazîfesine nihâyet verilir. İstih- dâmlarında zarûret görülen meʼmûrlar için bu müddet nazar-ı iʻtibâra alınmaz. Mâdde 39- Her meʼmûrun senede bir ay meʼzûniyet hakkı vardır. Meʼzûniyet esnâsında maʻâ- şına ve meʼmûriyet hukûkuna halel gelmez. Senelik meʼzûniyetin iki veya üçünü cemʻ etmek câizdir. Fazlası sâkıt olur. Mâdde 40- Mecbûrî sebeblere ve meşrûʻ maʻzeretlere müstenid olmak şartıyla her dâire müdü- rü kendi maʻiyetindeki meʼmûra iki gün kadar meʼzûniyet verebilir. Bu meʼzûniyet senede üç defa vâkiʻ olduğu takdîrde keyfiyet kâtib-i umûmîlikden istîzân olunur ve bu fazla müddet sene meʼzûni- yetinden tenzîl edilir. Mâdde 41- Meʼzûn meʼmûrlara dâiresi müdürünün tensîb edeceği rüfekâsı bi'l-maʻâş vekâlet ederler. Vekâletle idâresi mümkün olmayan meʼmûriyetlerde meʼmûrun meʼzûniyeti üç ayı tecâvüz etdiği takdîrde heyʼet-i idâre karârıyla hâricden birinin vekâleti câizdir. Bu hâlde vekîle tensîb oluna- cak ücret büdcenin masârıf-ı gayr-ı melhûza faslından verilir. Mâdde 42- Hizmet-i muvazzafadan gayrı bir sebeble vazîfe-i askeriyesine daʻvet edilecek meʼmûrun vazîfesi askerliği müddetince bir vekîl nasb etmek sûretiyle gördürülür ve meʼmûriyet maʻâşının sülüsü meʼmûra ve sülüsânı vekîle verilir. Meʼmûrun avdetiyle hiçbir merâsime tâbiʻ ol- maksızın vekîlin vazîfesi nihâyet bulur. Mâdde 43- Sene meʼzûniyeti esnâsında Hilâl-i Ahmer hidemâtının sektedâr olmamasına dikkat ve ona göre meʼmûrların bu meʼzûniyet zamânlarını tesbît etmek kâtib-i umûmîlik makâmına âiddir. Mâdde 44- Hasta meʼmûrların tabîb raporu almak şartıyla âtîdeki derecât üzerine meʼzûniyet verilir.