HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4267 Hilâl-i Ahmer Müsâmeresi Samsun Hilâl-i Ahmer Cemʻiyeti tarafından İzmir felâketzedeleri menfaʻatine olarak Zafer Si- neması'nda bir müsâmere verilmişdir. Bu vesîle ile Zirâʻat Bank meʼmûrlarından Abdülkadir Bey'in iki gece müzâyedeye [494] çıkardığı iki kutu sigara yüz otuz iki lira gibi Hilâl-i Ahmer'e ehemmiyetli bir menfaʻat teʼmîn etmişdir. Trabzon Hilâl-i Ahmer sergisinden bir manzara Une des vues de lʼexposition du C.R. de Trabzonde Aynı gecelerde Muallâ, Bedia, İncilâ, Türkân Hanımlarla Fikret, Necdet, Refik, Nejad, Na- mık, Şevki, Ahmed Beylerin Hilâl-i Ahmer menfaʻatine satdıkları sigara, bisküvi, çikolatadan altı bin küsûr kuruş temettuʻ hâsıl olmuşdur. Gâyet ulvî bir hiss-i maʻsûmâne ile Hilâl-i Ahmer'e gösterdikleri alâkadan dolayı küçük hanım ve beylerle bu gibi umûr-ı hayriyeye karşı mâddî ve maʻnevî muzâheretde bulunan muhterem halka ve Abdülkadir Bey'e de teşekkürü bir vazîfe biliriz. _______________ Trabzon'da Hilâl-i Ahmer Faʻâliyeti Kışın en karlı ve yağmurlu zamânlarında Trabzon şehrini başdan başa dolaşarak açılacak Hilâl-i Ahmer sergisi için eşyâ ve nakid toplamak sûretiyle kadınlığın pek mebrûr hiss-i şefkat ve samîmiye- tini gösteren muhterem sergi heyʼet-i tertîbiyesinin grup hâlinde alınmış fotoğrafîsi ile sergiye âid bir klişeyi kârilerimize takdîm ediyoruz.