HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3830 Şâyed infisâh etmiş ise bu noksânı izâle etmek için ne yapılmak lâzım geleceğine dâir mütâlaʻât ve mülâhazâtınızı bildiriniz. Sâniyen, Hükûmet-i Osmaniye'nin kendi ordusunda Cenevre Mukâvelenâmesi'ne riʻâyeti teʼmîn için ne gibi tedâbîr ittihâz edildiğine dâir istihsâl edeceğiniz maʻlûmâtı bize bildiriniz. Bu cihetin maʻlûm olması yalnız diplomasi nokta-i nazarından değil, düşman hizmet-i sıhhiye- sinin vazîfesini hüsn-i îfâ etmesi nokta-i nazarından da hâiz-i ehemmiyetdir. Memleketinizde muʻâvenet-i umûmiyenin celb ve daʻvetinde ve Cenevre Mukâvelenâmesi'nin tamâmî-i tatbîkinde tesâdüf edilecek müşkilâtı takdîr ederiz. Bununla berâber müşkilât-ı mezkûreye galebe edilebileceğini de ümîd ediyoruz. Vatan-perverlik ve insâniyet hisleri vatandâşlarınızı bu yolda sarf-ı mesâʻîye memnûniyetle sevk edecekdir. Ahvâl-i hâzıra bu talebe bir nevʻ müstaʻceliyet veriyor. Her hâlde mümkün olduğu kadar az bir zamân zarfında icrâ-yı tahkîkâtla cevâb vermenize muntazırım, efendim. İmzâ: Gustave Moynier " *** Doktor Peştemalcı Efendi bu mektûbu aʻzâsından [137] bulunduğu Cemʻiyet-i Tıbbiye-i Şâhâ- ne'nin 2 ilk celsesine teblîğ etdi. Cemʻiyet-i Tıbbiye aynı celsede Doktor Nurican, Doktor Margosyan ve Doktor Peştemalcı Efendilerden mürekkeb olmak üzere bir komisyon teşkîl etdi ve he- men Sadrıaʻzam Rüşdü Paşa nezdinde teşebbüsâtda bu- lunulmasına ve bir iʻâne-i mecrûhîn komitesi teşkîli için müsâʻade istihsâline müttefikan karâr verdi. Harb meydânlarında ve her tarafda asâkir-i Osma- niye'nin tedâbîr ve ihtimâmât-ı sıhhiyeden ne dereceler- de mahrûm kaldığını pek iyi bilen Mehmed Rüşdü Paşa mürâcaʻat-ı vâkiʻi hüsn-i telâkkî ederek derhâl icrâ-yı îcâbını emretdi. On beş gün sonra Cenevre Mukâvelenâmesi'ne tevfîkan Mecrûhîn ve Zuʻafâ-yı Askeriyeye İmdâd ve Muʻâvenet Cemʻiyeti teşkîlini tedkîk etmek üzere Mek- teb-i Tıbbiye-i Şâhâne ile muhtelif devâir ve müessesât-ı sıhhiyeden intihâb ve iʻzâm kılınan murahhaslardan mü- rekkeb bir heyʼet, Mekteb-i Tıbbiye'nin büyük salonunda ictimâʻa daʻvet edildi. *** 2 Cemʻiyet-i Tıbbiye-i Şâhâne 1855 târîhinde teessüs etmiş, zamânının yegâne bir heyʼet-i ilmiyesi idi. Cemʻiyetin La Gazette Médicale dʼOrient yani Cerîde-i Tıbbiye-i Şarkiye isminde bir de vâsıta-i neşriyesi vardı. Doktor Peştemalcı Efendi Dr. Pechtemaldji Effendi