HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4299 1923 39 1924 62 1925 61 1926 62 1927 77 1881 senesinden iʻtibâren Amerika Salîb-i Ahmeri'nin gerek dâhil-i memleketde ve gerek memâlik-i ecnebiyede 1.000'den fazla âfât-ı umûmiyeye muʻâvenet etdiğini de yine aynı neşriyâtdan anlıyoruz. _______________ Arnavudluk İtalya Salîb-i Ahmeri'nin Muʻâveneti İtalya Salîb-i Ahmeri'nin 28 Mart târîhiyle intişâr eden bir raporuna nazaran cemʻiyet-i mezkû- renin Arnavudluk'da muʻâvenet-i faʻâliyeti henüz devâm etmekdedir. İtalya Salîb-i Ahmeri'nin mühim mikdârda tevzîʻ etdiği pirinç, mısır, tuz, patates, et konserve- sinden mâʻadâ 55.000 çift ayakkabı, 94.774 metre kumaş, 23.000 battâniye, 4.000 manto, 200 kat çocuk elbisesi, 1.200 çift yün çorab, 200 kat yün kadın elbisesi, 192 denk matbah ve yatak levâzımı bulunmakdadır. _______________ İsveç Mühim Bir Teberruʻ Sinleri kırk yaşından fazla olup da icrâ-yı sanʻat edememelerine binâen medâr-ı maʻîşetlerini teʼmînden âciz kalan hastabakıcılar için Mösyö Karl Theodor Fearon nâmında hayr u hasenâtı se- ven bir zât bir tekâʻüd sandığı teʼsîs edilmek maksadıyla İsveç Salîb-i Ahmeri'ne 500.000 kron yanı 3.500.000 frank teberruʻ etmişdir. _______________ Finlandiya Salîb-i Ahmer Hastahânesi Finlandiya istiklâlinin onuncu devr-i senevîsi münâsebetiyle Salîb-i Ahmer Reîsi General Man- ner Haim bir Salîb-i Ahmer hastahânesi inşâsı için bir hitâbe neşretmiş ve açılan defter-i iʻâneye 200.000 mark vermişdir.