HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4300 [520] Çekoslovakya Beynelmilel İtfâiye ve Samariten Sergisi İctimâʻ edecek Beynelmilel İtfâiye ve Samariten Kongresi münâsebetiyle Çekoslovakya Salîb-i Ahmeri Prag'da Haziran'ın 29'undan Temmuz'un 8'ine kadar beynelmilel bir itfâiye ve Samariten ser- gisi tertîbi ile meşgûldür. Ber-vech-i âtî altı şuʻbeyi ihtivâ edecek olan bu sergiye iştirâk etmek üzere bi'l-cümle millî Salîb-i Ahmer Cemʻiyetleri medʻuvdur: 1-Yangınlar esnâsında muʻâvenet umûru 2-İlk imdâd ve muʻâvenet vezâifi 3-Emniyet tedâbîri 4-Feyezânlar esnâsında yapılacak muʻâvenet 5-Telsiz telgrafdan istifâde 6-Sigortalar Mevâdd-ı sâlifeden ilk imdâd ve muʻâvenet şuʻbesi dahi âtîdeki mevâddı şâmildir: a-Teşkîlât-ı sıhhiyeyi musavver malzeme (Salîb-i Ahmer, askerî teşekküller, gönüllü tulumba- cılar, Çekoslovakya'da ve memâlik-i ecnebiyede tahlîsiye heyʼetleri) b-Teşkîlât-ı mezkûreye âid faʻâliyet c-Müessesât-ı sıhhiyeye âid fotoğraf, numûne ve planlar d-Eczâhâneler: Dolab ve portatif eczâhâne tipleri e-Edviye, pansuman, âlât, şırınga teneffüs cihâzları f-Âfât ve mesâib-i umûmiye vukûʻunda ev eşyâsı, yatak, lavabo, lastik kova vesâire gibi ihtiyât malzemeleri g-İmdâd çadırları h-Mecrûhların naklinde ambülans arabaları, pansuman vesâire Mesʼûl Müdürü: Arif Süleyman