HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3833 * Aʻzâ: Dâire-i Umûr-ı Sıhhiye Müfettiş-i Umûmîsi Doktor Bartoletti Efendi * Aʻzâ: Meclis-i Umûr-ı Sıhhiye İngiliz [De]legesi ve Sefâret Tabîbi Doktor Dickson [140] * Aʻzâ: Meclis-i Umûr-ı Sıhhiye aʻzâsından Eşref Efendi * Aʻzâ: Sıhhiye-i Askeriye aʻzâsından Della Suda Faik Paşa * Aʻzâ: Bank-ı Osmanî Müdür Muʻâvini Mösyö Von Has * Aʻzâ: Mühendis Mösyö Leval * Aʻzâ: Amerikalı General Mott * Aʻzâ: Doktor Munddy * Aʻzâ: Mâbeyn kâtiblerinden Nuri Bey * Aʻzâ: Doktor Peştemalcı Efendi * Aʻzâ: Aʻyândan Serviçen Efendi * Aʻzâ: Doktor Sevastopulo *** Bu esnâda Anadolu ve Rumeli'deki orduların ihtiyâcâtı son dereceye varmış idi. Cemʻiyetin kasasında ancak birkaç yüz liradan başka bir istinâdgâh-ı nakdîsi bulunmuyordu. Memleket büyük bir buhrân geçirmekde ve halk iʻâne vere- meyecek bir hâlde idi. Bu gayr-ı müsâʻid şerâit dâhilinde cemʻiyet mütemâdiyen çalışıyordu. Cemʻiyetin sarf etdiği bu fevkalâde mesâʻî ve faʻâliyet sâyesinde kısm-ı aʻzamı muhtelif Salîb-i Ahmerlere ve bir kısmı da Hindistan ve Afrika İslâmlarına âid olmak üzere 72.583 lira cemʻ edildi. Bu paranın 30.000 lirasıyla malzeme-i sıhhiye sipâriş edilerek mevâkiʻ-i harbiyede 9 seyyâr hastahâne, İstanbul'da 4 dâimî ambülans, hatt-ı harb civârında 2 muvakkat seyyâr hastahâne teşkîl ve mecrûhîn nakline mahsûs trenler tertîb edildi. Bundan mâʻadâ muhâcirîne nakdî muʻâvenet yapıldı, muhtelif hizmetlerde elli tabîb istihdâm ve 25.000 mecrûh ve hasta tedâvî olundu. Toplanan mebâliğden 5.700 lirası dâimî sermâyeye tefrîk edilerek harbden sonra îrâdıyla cemʻi- yetin teʼmîn-i bekâsı düşünüldü. Harb faʻâliyetinin hitâmı olan 1878 Haziran'ının nihâyetinde yapılan bilançoda masârıfın 61.087 liraya bâliğ olduğu anlaşıldığından bakıyye-i mebâliğ de Osmanlı Bankası'na tevdîʻ olundu. 1897 Yunan Harbi Rusya ile mütâreke akdedildikden sonra faʻâliyet bir devre-i tevakkufa dâhil oldu ve cemʻiyet yirmi sene kadar eser-i hayât gösteremedi. Yirmi seneden sonra 1897 Yunan Harbi'nin zuhûr etmesi üzerine eski aʻzâdan ber-hayât olan- larla yeniden intihâb edilen aʻzâdan müteşekkil heyʼet bir müddet-i kalîle için faʻâliyete geçdi. Avrupa Salîb-i Ahmerlerinden, ahâlîden epeyce iʻâne topladı. İstîcâr etdiği iki hastahâne vapu- ruyla Golos'dan ve Selanik'den mecrûhîn-i askeriye irkâb etdi. Orduya külliyetli mikdârda sülfato, eczâ ve levâzım-ı sıhhiye gönderdi. İlk defa teşekkül eden merkez-i umûmîye reîs intihâb olunan Doktor Hacı Arif Bey Dr. Hadji Arif Bey, Premier président du Croissant-Rouge