HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3837 İtalya Harbi Hilâl-i Ahmer Cemʻiyeti henüz teessüs etmiş ve birinci senesini ikmâl etmemiş olduğu bir sıra- da İtalya [143] Trablusgarb'a taʻarruz etdi ve İtalyan Harbi zuhûr etdi. Cemʻiyetin sermâyesi 15.000 lirayı geçmiyordu. Merkez-i umûmî henüz bir anbâr teşkîl etmeğe, levâzım hâzırlamağa vakit bula- mamışdı. Diğer cihetden, Trablusgarb'daki Osmanlı Heyʼet-i Sıhhiyesi, levâzım-ı sıhhiyesini sâhildeki şe- hirlerde terk ederek içeri çekilmeye mecbûr olmuşdu. Bu şehirlerde kalan etıbbâ-yı askeriye İtalyanlara esîr olduğu cihetle içerilerdeki mücâhidîn şiddetle muʻâvenet-i sıhhiyeye muhtâc bulunuyordu. Cemʻiyet bir tarafdan Trablusgarb'a heyʼet-i sıhhiye-i imdâdiye iʻzâmına teşebbüs ve diğer ta- rafdan da erbâb-ı hamiyetin fütüvvet-i insâniyet-perverîlerine mürâcaʻat eyledi. Memâlik-i Osmani- ye'den, Mısır'dan, Hind'den, Bosna-Hersek'den, Afrika-yı Cenûbî'den iʻânât gelmeğe başladı. Trab- lusgarb'a müteʻaddid hastahâne heyʼetleri teşkîl ve iʻzâmına imkân hâsıl olarak ilk imdâd-ı sıhhî heyʼeti Marsilya-Tunus tarîkını ihtiyâr etdi. Aziziye'deki ordu karârgâhını merkez ittihâz eden heyʼet, karârgâh ile ordunun ilk karakolu arasında seyyâr bir hastahâne ve Aziziye'de büyük bir hastahâne ve iki nekâhethâne teʼsîs ve küşâd etdi. Bingazi taraflarına Mısır tarîkıyla gönderilen diğer bir heyʼet-i sıhhiye de Tobruk'da bir has- tahâne açdı. Trablusgarb Osmanlı Ordusu'nun Hums cihetindeki kısmında mikdâr-ı kâfi etıbbâ ve levâzım-ı tıbbiye ve sıhhiye bulunmadığı ve kolera âfetinin de zuhûr etdiği istihbâr kılınması üzerine her türlü techîzât ve levâzımı mükemmel 29 kişilik bir heyʼet-i imdâdiyenin âcilen iʻzâmına lüzûm görülmüşdü. Heyʼet Marsilya ile Tunus arasında Manouba nâmındaki Fransız vapuruyla icrâ-yı seyâhat ederken İtalyanlar tarafından zâbit olmaları isnâdıyla tevkîf edilerek vapurla birlikde Calgary Lima- nı'na sevk edilmiş ve bu matbûʻât-ı cihânda velveleli akisler peydâ etmişdir. Hâlbuki zâbit oldukları iddiʻâsıyla tevkîf edilen etıbbâ ve operatörümüzün Calgary Hastahâ- nesi'nde geçirdikleri imtihân Türk fen ve tabâbeti nâmına şâyân-ı iftihâr bir muvaffakiyet olmuşdur. Hilâl-i Ahmer Cemʻiyeti'nin Trablusgarb, Bingazi ve Hums'da teʼsîs etdiği hastahânelerle mec- rûhîn-i mücâhidîne îfâ etdiği hizmet ve muʻâvenetler bu esnâdaki faʻâliyetin en mühim kısmını teşkîl eder. Sâlifü'z-zikr üç heyʼet-i sıhhiye için cemʻiyetin sarf etdiği mebâliğ 40.000 Türk altınından faz- ladır. *** Cemʻiyetin kâffe-i mesâʻîsinde hanımlarımızın da iştirâk ve muʻâvenetleri teʼmîn edilmek üze- re bir Hilâl-i Ahmer Hanımlar Merkezi teʼsîs edildi. *** Cemʻiyete hidemât ve iʻânâtda bulunacaklara bir hâtıra-i mübâhât olmak üzere Hilâl-i Ahmer nâmına altın, gümüş ve tunçdan maʻmûl üç nevʻ madalya ve yine münâsib bir bedel mukâbilinde aʻzâ-yı cemʻiyete verilmek üzere bir kravat iğnesi ihdâs edildi. ***