HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3840 Dördüncü Ordu emrinde Çöl Harekâtı'na iştirâk eden kıtaʻât-ı askeriyeye muʻâvenet-i sıhhiye- de bulunmak üzere röntgen cihâzı ve çadırlı bir seyyâr hastahâne malzemesiyle tertîb olunan heyʼet-i sıhhiye evvelâ Kudüs'de ve ileri harekâtını müteʻâkib Hafiretü'l-Avce nâm mevkiʻde hâl-i faʻâliyete geçmişdir. Çölün kızgın kumları üzerinde hastalanan ve yaralanan asker ve zâbitlerimize bu hastahâne şifâ ve râhat bahşeden bir vâha olmuşdur. Heyʼet altı ay kadar mahall-i mezkûrda kaldıkdan [146] sonra tekrâr Kudüs'e aldırıldı. Bilâhare Vadi-i Sarar nâm mahalle nakledilmiş ve burada yedi ay kadar vazîfesine devâm edebilmişdir. Hasta ve mecrûh nakline mahsûs Hilâl-i Ahmer vapuru Navire-hôpital du Croissant-Rouge 300 yataklı olarak teʼsîs edilmiş olan bu hastahâneler düşman tayyârelerinin muʻannid taʻkî- bât-ı tahrîbkârânesinden dolayı eşyâ ve vesâit-i mevcûdesinden küllî ziyâʻa uğradığını görmek felâ- ketine maʻrûz kalmışdır. Baʻdehû kurtarabildiği eşyâ ve levâzım-ı sıhhiyesini Şam'a nakletdikden ve merkez-i umûmîden gönderilen eşyânın vusûlünden sonra hastahâne Amman'a sevk edilmişdir. Ordunun ileri hareketine tâbiʻ olarak birçok defa tebdîl-i mevkiʻ eden bu hastahâneler Derʻa'dan Şam'a avdete mecbûr olmuş ve düşmanın vürûdundan sonra da ahâlînin tedâvîsine hasr-ı mesâʻî et- mişdir. Bilâhare Şam'a yakın Mezze karyesinde esîr zâbitân için yeniden bir hastahâne açılmışdır. Üserâ-yı Osmaniye Mısır'a sevk edilmesi üzerine heyʼet Beyrut'a ve oradan da vapurla İzmir'e nakledildiği esnâda Şam'dan ve Beyrut'dan sevk edilen sekiz yüz nüfûs şehîd ve üserâ âilelerine karşı da lâzım gelen muʻâveneti îfâ etmek sûretiyle vazîfesine nihâyet vermişdir. Bu heyʼetin Kudüs'de emrâz-ı sâriye ve mecrûhîn hastahânelerinde, Amman ve Derʻa ve men- zil hastahânelerinde tedâvî ve iʻâşelerini teʼmîn etdiği mecrûh ve hastaların yekûnu 45.751'e bâliğ olmuşdur. ***