HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3841 Bunlardan başka kâffe-i levâzım ve eşyâsı Hilâl-i Ahmer tarafından tedârük ve iʻtâ olunmak şar- tıyla Diyarbekir'de İkinci Ordu emrine 500 yataklık bir Hilâl-i Ahmer hastahânesi küşâd edilmişdir. Yine sıhhiye-i askeriyenin emrine Dobruca cebhe-i harbine 200 yataklık bir hastahâne takımı gönderilmiş [147] ve bu hastahânede 4.279 mecrûh ve hasta taht-ı tedâvîye alınmışdır. Bursa'da da, Bursa merkezimizin muʻâvenetiyle bir nekâhethâne açılmışdır. Hasta ve mecrûh nakline mahsûs Hilâl-i Ahmer vapuru Navire-hôpital du Croissant-Rouge Hilâl-i Ahmer Hastahâne Vapurları Karadeniz ve Marmara'dan mecrûhîn nakli için Seyr-i Sefâin Müdüriyet-i Umûmiyesi'nin Ed- remid ve Gülnihâl ve Şirket-i Hayriye'nin 60, 61, 63 numaralı vapurları Hilâl-i Ahmer hastahâne vapurları hâline vazʻ edilmiş ve bu meyânda Alman Salîb-i Ahmeri emrine verilmiş olan Reşidpaşa Salîb-i Ahmer Vapuru'nda da çay tertîbâtı cemʻiyetimiz tarafından yapılmışdır. Zuʻafâ ve Nukahâya Hizmet Hastahânelerden çıkan veyâhûd muʻâyene komisyonlarınca tefrîk olunan zuʻafâ-yı askeriye- ye mahsûs Derince, Sirkeci, Ankara, Konya, Eskişehir, Haydarpaşa, Çanakkale'de Akbaş, Lapseki, Ulukışla'da açılan misâfirhâne ve çayhânelerin zuʻafâya ve hattâ mecrûhine îfâ etdiği hizmet pek büyükdür. Günlerce vesâit-i nakliyeye intizâren ortada kalan zuʻafânın yatacak sıcak bir yere nâil olması, içecek sıcak bir çorba veya çay ile iʻzâz u ikrâm edilmesi bu vatan çocuklarına bir eser-i hayât veri- yordu. Dokuz ay devâm eden bir müddet zarfında 1.400.328 bardak çay vesâire tevzîʻ edilmiş ve bu- nun için 21.005 kilo şeker ve 700 kilo çay sarf olunmuşdur. ***