HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3843 husûsda para tahsîs edemeyeceğini bildirmesi üzerine Hilâl-i Ahmer Cemʻiyeti 50.000 lira tahsîs etmişdir. Bu muʻâvenetlerden başka gerek Mısır'da ve gerek Medine'de bulunan üserâmız için de birinci defa 100.000 Danimarka kuronu ve ikinci defa 120.000 İsveç frangı irsâl edilmişdir. [149] Rusya'nın mahâll-i muhtelifesinden suver-i muhtelife ile Odessa'ya gelen üserâmızın bu- rada büyük mahrûmiyetlere dûçâr olduğunu haber alan cemʻiyetimiz ihtiyâclarına medâr olmak üzere Odessa Başşehbenderliği'ne 40.000 ruble göndermişdir. Selanik havâlîsi ile Yunanistan'da bulunan üserâmıza da îcâb eden muʻâvenet icrâ edilmişdir. Hilâl-i Ahmer vâsıtasıyla 1919 senesi Mart'ı gâyesine kadar memâlik-i muhâsamadaki Osmanlı üserâsına sâlifü'l-arz yapılan ve daha tâlî derecede kalan diğer muʻâvenetlerden başka âileleri tarafın- dan ve yine cemʻiyetimiz vesâtatıyla 215.000 havâle ile 9.684 lira gönderilmişdir. Osmanlı Üserâsına Muʻâvenet için Murahhas İʻzâmı 1916 senesi Eylül nihâyetinde İskandinavya memâlikinden Rusya'daki Osmanlı üserâsına muʻâvenet etmek üzere iʻzâm kılınan Hilâl-i Ahmer Murahhası Yusuf Akçura Bey evvelâ Kopenhag ve Stockholm'de ne sûretle muʻâve[ne]t edilmesi kâbil olduğunu müzâkere ve tedkîk ederek gerek şimâl Salîb-i Ahmerleri ve gerek vesâit-i husûsiye ile Osmanlı üserâsına muʻâvenetde bulunmuşdur. Yusuf Akçura Bey, bilâhare Brest-Litowsk Muʻâhedesi'nin akdi üzerine Osmanlı heyʼet-i sefâ- retiyle Moskova'ya azîmet ederek orada esîrlerimizle doğrudan doğruya temâs ve terfihlerine çok gayret etmişdir. Emrâz-ı Sâriye İle Mücâdele Tifüs – Çiçek – Frengi – Dâülkelb [Tifüs] Merkez-i umûmî 1915 senesi ibtidâsında memleketin her tarafında ve bilhâssa bütün şiddetiyle Konya havâlîsi ve hat güzergâhında icrâ-yı hükm eden tifüs hastalığının izâlesi için bir mücâdele heyʼeti teşkîl etmişdir. Aynı zamânda 30.000'i mütecâviz amele taburu efrâdının tathîrâtı icrâ ve bunlardan en ziyâde muhtâc-ı muʻâvenet olan binlercesine çamaşır iʻtâ olunmuşdur. Bundan mâʻadâ bu âfet ile taraf taraf yapılan mücâdelede çamaşır, sabun, naftalin iʻtâsı sûretiy- le de pek çok muʻâvenet yapılmışdır. *** Çiçek Çiçek aşısı husûsunda Hilâl-i Ahmer Cemʻiyeti başlı başına icrâ-yı faʻâliyet etmemiş ise de gönderdiği heyʼetler dâimâ çiçek aşısını berâber bulundurmuş ve lüzûm gördükleri yerlerde ahâlî ve etfâl aşılanmışdır.