HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3844 Ayrıca Sivas ve Süveyş heyʼetleri laboratuvarlarında ihzâr olunan çiçek aşısı gerek ordu ve gerek ahâlînin ihtiyâcını teʼmîn etmişdir. *** Dâülkelb Üçüncü Orduca verilen müsâʻade üzerine iʻâşesi hastahâneden teʼmîn edilmek üzere cemʻiyet tarafından 20 yataklık bir hastahâne teʼsîs olunmuşdur. *** Frengi Frengi hastalığınının aldığı tarz-ı tezâyüd ve tevessüʻ nazar-ı dikkate alınarak Tıb Fakültesi İstanbul Muʻâyenehânesi'nde sırf Hilâl-i Ahmer nâmına bir frengi tedâ [150] vîhânesi teʼsîsi ve en mütehassıs etıbbâ tarafından neo-salvarsan meccânen tatbîk edilmişdir Ahâlîye Muʻâvenet Aşhâneler Hilâl-i Ahmer'in Harb-i Umûmî'de îfâ etdiği hidemât-ı insâniyetkârânenin en mühimlerinden biri de aşhâneler teşkîlâtıdır. 1914 senesinde Harb-i Umûmî'nin memleketin hayât-ı iktisâdiyesine ve ahâlînin maʻîşetine îrâs etdiği buhrânlar netîcesinde fukarâ-yı ahâlînin cidden muhtâc-ı muʻâvenet bir hâle geldiğini nazar-ı dikkate alan merkez-i umûmî en muhtâc olanların tegaddîsine kısmen olsun yardım edebilmek emeliyle şehrin en kesîf fukarâ ahâlîsini muhtevî mahallerinde aşhâneler küşâdını kabûl ve tasvîb etmiş idi. İstanbul muhtâcîni ile muhâcirîn için teʼsîs olunan aşhânelerinden biri Cuisine populaire ouverte à Constantinople, pour les émigrés