HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3845 İlk sene Topkapı, Üsküdar ve Eyüb'de açılan bu fukarâ matbahlarına büyük küçük zuhûr eden yangınları müteʻâkib diğer birkaç aşhâne daha ilâve edilmişdir ki, başlıcaları Kumkapı, Fatih, Cibali harîklerini müteʻâkib açılanlardır. [151] İstanbul muhtâcîni ile muhâcirîn için teʼsîs olunan aşhânelerinden biri Cuisine populaire ouverte à Constantinople, pour les émigrés Dispanserler Galâ-yı esʻârın edviye ve hattâ etıbbâ ücretleri üzerindeki aksi teʼsîri nazar-ı dikkate alınarak hattâ orta hâlli âilelerin birçok zamânlar hastalarını tedâvî etdirememekde oldukları düşünülmüş ve bunun için Üsküdar ve Fatih'de birer dispanser açılmışdır. Bu dispanserler son zamânlara kadar faʻâliyetlerine devâm edegelmişlerdir. *** Hareket-i Arz 1914 senesi Eylül'ünde Isparta ve Burdur civârında vukûʻa gelen hareket-i arz felâketzedegânı- na lâzım gelen muʻâveneti îfâ etmek üzere bir heyʼet-i sıhhiye eşyâ-yı lâzımeyi müstashiben mahall-i mezkûra iʻzâm kılınarak açıkda kalanların çadırlara iskânı, hastaların tedâvîsi, fukarânın iʻâşesi gibi umûr ile meşgûl olmuşdur. *** Harîkzedegâna Muʻâvenet İstanbul'daki harîk-ı hâiller üzerine birçok âileler yurdsuz ve eşyâsız ve gıdâsız kalmış idi.