HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3846 Bunu nazar-ı dikkate alan Hilâl-i Ahmer Merkez-i Umûmîsi harîkzedegâna aşhânelerde mun- tazaman verilen aşlardan başka eşyâ ve levâzım-ı iksâiye ve çamaşır tevzîʻi sûretiyle de muʻâvenet edilmesine karâr vererek 50.000 lira kadar çamaşır ve yatak takımı, eşyâ ve levâzım tevzîʻini kabûl etmiş idi. Bu işe heyʼet-i merkeziye ve idârenin bazı aʻzâsı meʼmûr edilmiş ve harîkzedelerin ilticâ et- dikleri câmiʻ, medrese, hân vesâire gibi [152] emâkin-i umûmiyede yerleştirilmiş olan 1.731 âilede 6.423 kadar nüfûsdan ibâret felâketzedelerden her birine birer don ve gömlek verdirmişdir. Bu sûretle en ziyâde muhtâc olanlara muʻâvenet edildikden sonra husûsî hânelerde, kulübe, dükkân gibi bazı yerlerde ikâmet eden harîkzedelerden 6.000 küsûr âilenin her ferdine birer gömlek, don ve birer fanila tevzîʻ eylemişlerdir. Medrese odalarında tahtalar üzerinde çıplak ve perîşân kaldığı müşâhedât ve tahkîkâtla sâbit olan 37 âiledeki 111 nüfûsa sâlifü'l-arz eşyâdan başka yatak, yorgan, yasdık, ayakkabı gibi eşyâ dahi yeden be-yed verilerek tahfîf-i ıztırâblarına çalışılmışdır. *** Hilâl-i Ahmer Hanımlar Merkezi Faʻâliyeti Hilâl-i Ahmer Cemʻiyeti Hanımlar Merkezi kışın en şiddetli bir zamânında vatan evlâdlarının sıhhatlerini düşünerek Osmanlı hanımlarını eldiven ve çorap örmeğe daʻvet eylemiş ve cemʻ edebil- diği eldiven ve çorap ve boyun sargısını hudûda sevk için bir tarafdan sıhhiye-i askeriye depolarına tevdîʻ ve diğer cihetden Hilâl-i Ahmer heyʼet-i sıhhiyeleri vâsıtasıyla zuʻafâ ve fukarâya tevzîʻ olun- mak üzere Konya'ya irsâl etmiş ve Hilâl-i Ahmer dârüssınâʻasında cemʻiyet hesâbına 24.529 hırka dikdirmişdir. Bundan başka, merkez-i umûmînin gösterdiği lüzûm üzerine çamaşır iʻmâline başlanmış ve on binlerce çamaşır anbârlarımıza teslîm edilmişdir. Muhârebede muhnik gazlara karşı istiʻmâl olunmağa başlanan ağızlık ve burunlukdan 100.000 aded iʻmâl olunarak sıhhiye-i askeriyeye verilmişdir. Mütâreke Zamânındaki Muʻâvenet Faʻâliyetleri Mecrûh ve hasta askerlerin tedâvîsiyle mükellef hastahânelerimizin Mütâreke akabinde vazî- fesi hitâm bulması üzerine ahâlî üzerinde uzun Harb-i Umûmî senelerinin tevlîd eylediği sefâlet ve ıztırâbın tehvîni hedef-i faʻâliyet ittihâz olunarak muhtelif menâtıkda müteʻaddid imdâd heyʼetleri tertîb ve iʻzâm edilmişdi. İzmir'in işgâli üzerine düşman mezâlimi önünden dâhile doğru firâr ve ilticâ eden yüz binlerce muhâcirin hastalarını tedâvî, açlarını iʻâşe ve çıplaklarını ilbâs gibi vezâifi îfâ etmek maksadıyla Na- zilli, Akhisar, Alaşehir havâlîsinde bulunan heyʼetlerimiz, münferid bir sûretde teşekkül eden millî kuvvetlerin yaralılarını ve hastalarını tedâvî vazîfesini de derʻuhde etmişlerdi. Az zamânda tevessüʻ ve kesb-i kuvvet eden millî müfrezelerin ihtiyâcât-ı sıhhiyesini teʼmîn için cenûb-ı garbîde Köşk-Balyanbolu cebhesinde dört mecrûhîn dispanseri, Nazilli'de 300 yataklı üç mecrûhîn hastahânesi, Alaşehir-Akhisar cebhelerinde imdâd heyʼetleri tarafından birer revir küşâd edilmiş ve Samanlıdağ, Kocaeli harekâtında Karamürsel, Selçi, Kaynarca cebhelerinin ihtiyâcât-ı sıh- hiyesi için de menâtık-ı mezkûrede dört seyyâr etıbbâ heyʼetiyle birer revir teşkîl olunmuş ve cenûb