HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3853 [158] Yunan iʻtisâfâtından Hilâl-i Ahmer maʻrifetiyle kurtarılıp Armudlu'dan İstanbul'a nakledilen muhâcir kâfilelerinin bir grubu Groupe représentant des réfugiés turcs dʼArmoudli sauvés par le Croissant-Rouge Bunun üzerine heyʼetimiz zamân gâib etmeksizin muʻâvenetin şeklini taʻyîn ederek Bilecik, Küplü, İnegöl, Bozöyük, İnönü, Alibeydüzü, Akçapınar, Yenişehir, Saraycık, Yarhisar, Söğüd, Zeyve, Sıraca köylerini yegân yegân dolaşarak götürdüğü nakid ve hayvânâtı tevzîʻ etmişdir. Hele âlâm ve fecâyiʻ-i beşeriyenin bir korkunç sahnesi olan Gördes'de kemâl-i iʻtinâ ve metâ- netle Hilâl-i Ahmer'in yapdığı yardımlardan son derece mütehassis olan ahâlî şükrânını gözyaşlarıyla edâ etmişdir. *** Yunan orduları Sakarya'da uğradığı hezîmetden sonra ricʻat ederken Sivrihisar, Mihalıççık ve Haymana'nın bütün köylerini yakmış ve sekenesinin ellerinde ne varsa gasb u yağma etmiş idi. Bu vahşiyâne tahrîbâtın nasıl ve ne maksadla îkâʻ edildiğini de kürsî-i mebʻûsândan âlem-i medeniyete iʻlân etmek isteyen o zamânın Yunan Başvekîli: "-Sakarya'dan Eskişehir ve Kütahya'ya kadar bütün şehir ve köyler ve her türlü vesâit-i müdâ- faʻa tamâmen tahrîb edilmişdir. Bu vâsiʻ kıtʻa bir harâbe, bir çöl hâline getirilmişdir" demekle his- siyât-ı insâniyet-perverâneyi istiskâl etmekden bir zevk-i mahsûs duyuyordu. Bu fecîʻ hâdise üzerine binlerce bedbaht vatandâşlarımızın âcil ihtiyâclarını teʼmîn ve ıztırâblarını bir dereceye kadar tehvîn etmek üzere cemʻiyetimizce yüz bin lira [159] tahsîs edilmiş ve derhâl Haymana, Mihalıççık ve Siv- rihisar heyʼet-i imdâdiyeleri teşkîl ve mahallerine iʻzâm kılınmışdır.