HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3854 Samanlıdağ şibh-i cezîresi düşmandan istirdâd edildikden sonra yurdlarına avdet eden bir mültecî grubu Groupe de réfugiés tentrant chez eux, après la délivrance de la Turquie de lʼoccupation étrangère Ayıntab'ın dokuz ay muhâsaradan sonra Fransızlar tarafından işgâl edilmesi üzerine son derece sefâletde kalan şehrin Türk sekenesine orada tedârüküne imkân olmayan 25.000 çamaşır levâzımı ile 5.000 parça levâzım-ı beytiye ihzâr ve heyʼet-i imdâdiyemizle irsâl olunmuşdur. Heyʼetin en fâideli mesâʻîsinden biri de Ayıntab'da Fransızlar elindeki Türk üserâsına îfâ eyle- diği hizmetdir. Ayıntab'ın Fransızlar tarafından tahliyesinden sonra ikinci defa gönderilen bir heyʼet-i imdâdi- yemiz tarafından ayrıca 5.000 nüfûsa çamaşır ve eşyâ-yı beytiye verilmişdir. *** Yunanîler istîlânın devâm etdiği uzun müddet zarfında îkâʻına muvaffak olamadıkları tahrîbâtı ordularımızın savlet-i dilîrânesi karşısında firâra başladıkları günden iʻtibâren bir hafta zarfında yap- mışlardı. Fi'l-hakîka Yunan ordusu kahkarî hezîmetinin acısını maʻsûm halkın emvâl ü eşyâsını gasb u gâret etmek ve meskenlerini, maʻbedlerini tahrîb ve ihrâk eylemekle tahfife karâr vererek senelerce taşıyıp iddihâr etdikleri mevâdd-ı harbiyeyi bu vahşiyâne karârın en serîʻ bir sûretde tatbîk ve icrâsına hasreylemişdir. Beşeriyetin en çok felâket ve ıztırâb çekmiş maʻsûm bir zümresi olarak telâkkî edilmesi îcâb [160] eden Garbî Anadolu ahâlîsine taslît edilen bu belâ ve musîbet orduları muʻazzam hayâl ve gâ- yelerine makhûren vedâʻ ederken tütecek bir ocak bırakmamış ve en maʻmûr beldelerimizi harâbeye çevirmiş idi.