HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3855 Yunan iʻtisâfâtından Hilâl-i Ahmer maʻrifetiyle kurtarılıp Yalova'dan İstanbul'a nakledilen muhâcir kâfilelerinin Gülnihâl vapuruna irkâb ameliyesi Groupe représentant des réfugiés turcs de Yalova, fuyant les atrocités grecques. Ils ont été sauvés par le Croissant-Rouge Bu harâbe üzerinde her türlü vesâit-i hayât ve maʻîşetden mahrûm bir hâlde kalan bîçâre halkın imdâdına şitâb etmek, Hilâl-i Ahmer için pek kudsî bir vazîfe idi. Bu maksadla Uşak, Bilecik, Aydın, İzmir ve Balıkesir'de beş muʻâvenet merkezi teʼsîs ve her merkeze don, gömlek, yorgan, fanila, battâniye, kilim, hasır, kadın ve çocuk çamaşırı gibi levâzım-ı iksâiye ile un, fasulye, pirinç, sabun vesâireyi müstashiben 1922 nihâyetinde bir heyʼet-i imdâdiye iʻzâm edilmişdir. 1921 senesi Mayıs'ında Kumla, Gemlik, Yalova, Armudlu ilh. köylerde Yunan vahşeti beşeriye- tin tahayyül edemeyeceği bir dereceye vâsıl olması üzerine cemʻiyetimiz İʼtilâf mümessilleri nezdin- de teşebbüsât-ı müessirede bulunmuş ve Samanlıdağ şibh-i cezîresine beynelmilel bir tahkîk heyʼeti iʻzâm etdirilmesine muvaffak olmuşdur. Bu sâyede Yunanîler elinden bin müşkilât ile kurtarılarak yirmi bini mütecâviz Türk nüfûsu İstanbul'a getirilmiş ve bunlar arasında en muhtâc olanlara çamaşır, yatak, battâniye ile tencere, tava [161] gibi levâzım-ı beytiye tevzîʻ edilmişdir. Yine bu felâketzedelerden 4.000 nüfûsun meskûn ol- duğu Davudpaşa Kışlası'nda cemʻiyetimiz büyük bir aşhâne küşâd ederek her nüfûsa yevmî bir kap yemek ve bir de ekmek vermek sûretiyle faʻâliyete başlamışdır. Bu sûretle aşhânelerimiz tarafından tevzîʻ edilen yemek 722.150'ye ve ekmek adedi 1.251.250'ye bâliğ olmuşdur.