HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3856 O esnâda İstanbul'da bulunan İngilizler Muhâcirîn-i Müslimeye Muʻâvenet Heyʼeti nâmıyla bir heyʼet teşkîl ederek cemʻ eyledikleri 47.547 lira iʻâneyi veznemize tevdîʻ eylemişlerdir. Madam DoughtyWilly ismindeki hayır-perver bir kadın tarafından ayrıca teberruʻ olunan 3.333 lira iʻâne ile arzusuna tevfîkan Cerrahpaşa Câmiʻi'nde meskûn olan 250 nüfûs muhâcir için sûret-i mahsûsada bir aşhâne teʼsîs olunmuşdur. _______________ Avrupa'daki Talebe ve Vatandâşlara Muʻâvenet Harb-i Umûmî mütârekesinden sonra Almanya, Avusturya-Macaristan ve İsviçre'de kalmış olan vatandâşlarımızla talebenin ahvâli, âilelerince muhâbere ve muvâsala imkânsızlığından dolayı mûcib-i merâk ve endîşe görülerek talebe velîleri Hilâl-i Ahmer'in vazʻiyet-i beynelmile[li]yesine istinâden muʻâvenet ve tavassutuna mürâcaʻat etmişlerdi. Murahhasların ancak kadın olduğu takdîrde seyâhatlerine Düvel-i İʼtilâfiye mümessillerince karâr verilmesi üzerine Hilâl-i Ahmer hemşîrelerinden Münire İsmail ve Vasfiye Hüseyin Hanımlar müşkilât ve meşâkk-ı seferiyeyi göze alarak bu insânî vazîfeyi kabûl ve birçok mektûb ve paraların havâlenâmelerini hâmilen Şubat ibtidâsında hareket etmişlerdi. Bu hanımların talebeye muʻâvenet maksadıyla nâmlarına Hilâl-i Ahmerce 50.000 İsviçre frangı tahsîs olundu. Vatandâşlarımızın turuk-ı muvâsala ve muhâbereden ve her türlü vesâit-i muʻâvenetden mahrûm bir hâlde bulundukları memle- ketlerde ikâmetlerine imkân olmadığını gören cemʻiyetimiz İstanbul'a gelmek isteyenlerle muhtâc-ı muʻâvenet olanlarının memleketlerine avdetlerini teʼmîn etmek maksadıyla Reşidpaşa ve Gülnihâl vapurlarını Hamburg Limanı'na tahrîk etdi. Talebenin ihtiyâcına Berlin Sefâreti'ndeki Hilâl-i Ahmer nakd-i mevcûdundan 70.000 mark tah- sîs edildi. _______________ Üserâ Şuʻbesinin Faʻâliyeti Viladivostok'daki Üserâ Hükûmetimiz, Bulgar ve merkezî hükûmetler üserâsıyla birlikde Sibirya'dan Viladivostok'a naklolunan üserâmızın avdeti masârıfına mukâbil 240.000 lira tahsîs ederek bu meblağı esîrlerimizin memleketlerine iʻâdelerine çalışacağını vaʻd eden Japon Salîb-i Ahmeri'ne gönderilmek üzere İstan- bul'daki İngiliz Fevkalâde Komiserliği emrine Osmanlı Bankası'na tevdîʻ etdi. Aradan bir sene geçdiği hâlde üserâmızın avdet etmediğini gören Hilâl-i Ahmer, meblağ-ı mez- bûr hakkında Beynelmilel Cenevre Salîb-i Ahmer Merkez Komitesi'ne vâkiʻ olan mürâcaʻatında bu meblağın Japon Hükûmeti'ne verilmek üzere ancak pek yakın bir zamânda Tokyo İngiliz Sefâreti Maslahatgüzârlığı'na tevdîʻ edildiğini anladı.