HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3857 [162] Yunanistan'da bulunan Türk esîrlerinin bir kısmını memleketlerine nakleden vapur Bateau transportant en Turquie, une partie des prisonniers turcs internés en Grèce Bundan mâʻadâ Beynelmilel Komite'nin tahrîrâtında 240.000 Türk lirasının ancak 48.000 İn- giliz lirası etdiğini ve bu meblağın mürselün ileyhi Cemʻiyet-i Akvâm Murahhası Doktor Nansen olduğu da bildiriliyordu. Hâlbuki Viladivostok'da tecemmuʻ etmiş olan Alman, Avusturya, Macar ve Bulgar üserâsı çok- dan beri memleketlerine avdet etmiş bulunuyorlar ve yalnız bizimkiler müellim bir intizâr içinde vakit geçiriyorlardı. Bir de 240.000 lira hîn-i teʼdiyesinde 48.000 İngiliz lirasından çok fazla tutmuş olacakdı. Esîrlerimizin bir sene daha müdhiş bir ıztırâb içinde Viladivostok'da intizârda kalmalarına bâdî olan bu teehhurdan dolayı zamân ve ahvâlin nezâketi müsebbibleri aleyhine bir hareket icrâsına mâ- niʻ olmuş ve yalnız Beynelmilel Onuncu Salîb-i Ahmerler Konferansı'na takdîm edilen raporda ce- reyân-ı hâl zikredilmişdir. Nihâyet 1.004 kişiden ibâret olan esîrlerimiz Haimai-Maru nâm Japon vapuruna irkâb edilerek yola çıkarıldı. Altı hafta seyâhatden sonra Bozcaadası önüne kadar gelen bu gemiyi Yunan'ın Terax torpidosu tevkîf ve içindekileri harb esîri addederek vapurla birlikde Pire Limanı'na sevk etdi. Hissiyât-ı insâniye ile aslâ kâbil-i teʼlîf olmayan bu hareketi, cemʻiyetimiz şiddetle protesto etdiği gibi Beynelmilel Salîb-i Ahmer Merkez Komitesi de esîrlerimizin tahliyesine çalışdı. Yunanîler mesʼelenin hukûk-ı düvel nokta-i nazarından halledilmesi lâzım geldiği cevâbını ver- mekle iktifâ [163] etdiler. Bu esnâda aynı vapurda bulunan birkaç tabîb ve sivil, askerî esîr olmadık-