HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3859 lardan Avusturya ve Almanya'ya geçmeğe muvaffak olanlara muʻâvenetde bulunmak üzere cemʻiye- timiz Beynelmilel Komite vâsıtasıyla İsviçre'nin Viyana ve Berlin Maslahatgüzârlıklarına 799.000 mark gönderdi. Bu sûretle Rus hudûdundan Almanya ve Avusturya tarîkıyla memleketlerine avdet edenlerin yekûnu 118 kişiye bâliğ olmuşdur. *** Fransız Üserâsı ve Klikya ve Suriye'deki Türk Üserâsı 1920 senesi nihâyetlerine doğru Klikya'da Fransız kıtaʻâtıyla vukûʻ bulan müsâdemelerde Fransızlardan esîrler alınmış ve hattâ bu meyânda Pozantı civârında cereyân eden bir muhârebede Fransızların 412'nci alâyı, kumandanlarıyla berâber kâmilen esîr edilerek Kayseri Garnizonu'na nak- ledilmiş idi. Cemʻiyetimiz, hükûmetin müsâʻadesiyle derhâl bu üserânın listesini tanzîm ederek âilelerine haber verilmek üzere Fransız Salîb-i Ahmeri'ne gönderdi ve bir müddet sonra alâkadârân tarafından üserâya mektûb, para ve paket göndermeğe başladı. Hilâl-i Ahmer bunları mürselün ileyhlerine gönderi[r]ken diğer tarafdan üserânın mektûblarını da âilelerine irsâl ediyordu. Bundan mâʻadâ, İstanbul'daki Fransız kıtaʻâtı tarafından tahsîs edilen 106 sandık elbise ve ça- maşır ile Fransız Salîb-i Ahmeri'nin ve Fransız Kadınları Heyʼet-i İttihâdiyesi'nin hedâyâ ve teber- ruʻâtını bir meʼmûr-ı mahsûs ile üserâya gönderdi ve bilâhare üserânın hîn-i iʻâdesinde tekmîl eşyâ- ları Hilâl-i Ahmer tarafından sevk edildi. Cemʻiyetimiz Fransız üserâsına âid işlerle meşgûl olurken Klikya ve Süriye'de Fransızların elinde kalmış olan Türk üserâsının ahvâli ile ehemmiyetle iştigâl etdi. Hattâ Fransız Hükûmeti'n- den istihsâl eylediği müsâʻade-i mahsûsa üzerine muhâsara ve harbden pek ziyâde ıztırâb çekmiş ve nüfûsça azalmış olan Ayıntab ahâlîsine muʻâvenetde bulunmak üzere gönderdiği imdâd-ı sıhhî heyʼe- ti vâsıtasıyla Haleb'de vesâir bazı mevâkiʻde taht-ı muhâfazaya alınmış asker ve sivil esîrlerimizi dahi ziyâret ederek kendilerine para, elbise, çamaşır, sabun ve levâzım-ı sâire tevzîʻ etdi. Fransız üserâsına vukûʻ bulan muʻâvenetimiz Fransa'da büyük bir hüsn-i teʼsîr hâsıl etdi. Reîs-i Vükelâ Mösyö Poincaré bir mektûbunda Anadolu'da Fransız esîrlerine yapdığı muʻâvenetlerle min- net ve şükrânlara kesb-i istihkâk etmiş olduğundan Hilâl-i Ahmer'e tahrîren ayrıca teşekkür etmişdir. *** Malta'daki Türk Üserâsı İle Türkiye'deki İngiliz Esîrleri İngilizlerinMalta'da alıkoydukları Türkmevkûfîn-i siyâsiyesi ile âileleri arasındaki muhâberâtın bir kısmı cemʻiyetimiz vâsıtasıyla yapılmışdır. Vâkıʻâ mektûbların mürselün ileyhlerine irsâli arzu olunduğu kadar sürʻat ve intizâm ile cereyân edememiş ise de muhâberâtdaki teehhur ve bazı mek- tûbların mürselün ileyhlerine adem-i vusûlü İngiliz sansür muʻâmelâtından ileri gelmişdir.