HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3861 [165] Türkiye'de İngiliz üserâsıyla âileleri arasındaki muhâberâta da cemʻiyetimiz tavassut et- mişdir. En nihâyet 1917 Teşrîn-i Evvel'inde Malta'daki mevkûfîn-i siyâsiye ile Türkiye'deki İngiliz üserâsı mübâdelesinde cemʻiyetimizin meʼmûru muʻâvenet-i mahsûsada bulunmuşdur. *** Yunanistan'daki Türk Üserâsı Yunanîler topraklarımızı işgâl etdikleri zamân kadın, çocuk, ihtiyâr dâhil olmak üzere yekûnu 15.000'i mütecâviz ahâlîyi harb sâhalarında esîr düşmüş olanlarla birlikde kısmen Yunanistan'a sevk ve kısmen Anadolu'da işgâl altında bulundurdukları mahallerde cemʻ ve tevkîf eylemişlerdir. Malta'daki Türk üserâsıyla Türkiye'deki İngiliz üserâsını İnebolu'da mübâdeleye meʼmûr İngiliz ve Türk delegeleri Groupe représentant les délégués turco-anglais, chargés de lʼéchange des prisonniers turcs Malte et des prisonniers Anglais de Turquie Bu esîrlerin memleketlerinden menfâlarına kadar uğradıkları bin türlü felâketin menfâya muvâ- salatlarından sonra da temâdî eylediği teeyyüd ediyordu. Esâretleri iki seneye yaklaşan bu zavallı- lardan âilelerine bir tek mektûb gönderemeyenler de vardı. Bir tarafdan hastalık şiddetli bir sûretde icrâ-yı tahrîbât ediyordu. Her türlü kavâʻid-i hukûkiye hilâfına siviller hapishânelerde, pek taham- mül-fersâ şerâit altında tevkîf edilmişlerdi. Hastaların tedâvîsi için tabîb ve muʻâlecât bulunmuyordu. En küçük rütbede Yunan askerlerinin esîrler üzerindeki keyfî muʻâmelâtının hudûdu yokdu. Hilâl-i Ahmer bu gayr-ı insânî muʻâmelâta bir an evvel nihâyet verilmesi için Beynelmilel