HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3862 Salîb-i Ahmer Komitesi'nin müdâhalesini daʻvet etdi. Yunanistan'daki [166] üserâmızın Beynelmi- lel Komite'nin bir murahhası vâsıtasıyla teftîşine mukâbil Anadolu'ya dahi aynı maksadla bir teftîş heyʼetinin gönderilmesine muvâfakat olunduğunu bildirdi. Bu esnâda Yunanîlerin Anadolu'da yapdıkları mezâlim şâyân-ı hayret bir vüsʻat ve sürʻatle artı- yordu. Eskişehir ile Sakarya arasındaki şehirlerin yakılması ve ahâlîsinin tehcîriyle eşyâlarının müsâ- dere edilmesi her gün alınan maʻlûmâtla teeyyüd ediyordu. Bu felâketleri yakından görmek ve müşâhedâtını âleme neşretmek üzere bî-taraf bir heyʼetin Anadolu'ya iʻzâmı da Türkiye Hâriciye Vekâleti tarafından Beynelmilel Salîb-i Ahmer Komitesi'ne işʻâr edilmişdi. Bu mürâcaʻatlar netîcesinde Beynelmilel Salîb-i Ahmer Merkezi biri Yunanistan'a, diğeri Ana- dolu'ya iki murahhas iʻzâm etdi. Yunanistan'a giden Mösyö Schatzmann, Hilâl-i Ahmerce vukûʻ bulan şikâyât ve ithâmâtın hakîkat olduğunu raporuyla teʼyîd etdi. Hemen ilâve edelim ki, memleketimizdeki Yunan esîrlerinin âileleriyle muhâberelerinin para, paket vesâire gibi ihtiyâcât-ı mütenevviʻalarının teʼmîninde Hilâl-i Ahmer'in mesâʻîsi üserâ tarafın- dan dâimâ şükrânla yâd edilmişdir. Bu muʻâvenâtdan mâʻadâ, Garbî Anadolu'da ikâme edilen Yunan üserâsı hakkında tahrîbâta maʻrûz kalmış bu memleket ahâlîsi çıplak bulunduğu bir zamânda Hilâl-i Ahmer depolarından kül- liyetli mikdârda kaput, elbise, çamaşır tevzîʻ etmek sûretiyle vazîfe-i insâniyesine merbûtiyetini bir daha teʼyîd etmişdir. *** Üserâya Âid Diğer Faʻâliyetler Mücâdele-i Milliye'nin başladığı ve Türk Hükûmet-i Milliyesi'nin teşekkül etdiği târîhden son- ra Türkiye'nin işgâli altında bulunan yerleri ile aksâm-ı mütebâkiyesi arasında bir nevʻ ikilik hâsıl olmuş idi. Bu vazʻiyet karşısında üserâ şuʻbesinin faʻâliyeti tevsîʻ edilerek maʻâş tahsîs ve iʻtâsı, şehâdet ve gâib tahkîkâtı için ayrı şuʻbeler ihdâs edilmişdir. _______________ Muhtelif Muʻâvenetler Şimdiye kadar tafsîlen arz etdiğimiz muʻâvenet faʻâliyetlerine Rusya'da aç kalan müslümân- lara, Rus mültecîlerine, şühedâ âilelerine, Kars ve Iğdır havâlîsine, Rum muhâcirînine, İstanbul mü- essesât-ı sıhhiyesine, Tıb Fakültesi ve Kadırga Vilâdethânesi'ne, Maʻlûlîn-i Askeriye Cemʻiyeti'ne, Veremle Mücâdele Cemʻiyeti'ne 1919-1922 seneleri zarfında müteferrik ve muhtelif sûretle yapı- lan muʻâvenetleri de ilâve etmek lâzım geliyor ki, bu yardımlar için sarf olunan mebâliğin yekûnu 148.938 liradır. _______________