HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3864 Nihâyet bir sene devâm eden bütün bu teftîşât, Hilâl-i Ahmer'in şeref ve iʻtibârını bir kat daha tezyîd ve iʻlâ ile netîcelendi. _______________ Hâtime Hilâl-i Ahmer'in vatanî ve ictimâʻî mesâʻîsinde meşhûd olan âsâr-ı muvaffakiyet doğrudan doğ- ruya millete âid olduğunda hiç şübhe yokdur. Halk nazarında Hilâl-i Ahmer demek, memleketin en kudsî bir hayır müessesesi, hayır işleyen, iyilik yapan her şey demekdir. Fi'l-hakîka halkımız Hilâl-i Ahmer'i çok seviyor ve daha çok sevecekdir. Biz, bu sevgi ve bu hâlet-i rûhiyeyi heyʼet-i ictimâʻiyece bâʻis-i nefret ve istihkâr olan cânîler- de, kuttâʻ-ı tarîkde bile görüyoruz. İşte size iki misâl: [168] 22 Temmuz 1338 [1922] târîhine musâdif Cumartesi günü Kadıköyü'nde Hasan nâmında ana baba kâtili bir câni ale's-sabâh iʻdâm ediliyordu. İʻdâmından bir dakîka evvel kendisine vasiyeti ve diyecek bir şeyi olup olmadığı sorulunca: "-Gâzî Mustafa Kemal Paşa'nın şerefine hânemi ve eşyâmı Hilâl-i Ahmer'e teberruʻ ediyorum!" demiş idi. Hayâtının en meʼyûs sâʻatlerinde azılı cânîlerin bile hayâl-i maʻneviyetinde zerrîn bir nokta gibi parlamak bu milletin Hilâl-i Ahmer'i için ne büyük mazhariyetdir! Kezâ: 1336 [1920] senesi Teşrîn-i Sânî'sinin sonlarında Hilâl-i Ahmer Yedinci Adana Sıhhî Heyʼe- ti'nin Antalya'dan 136 devreye tahmîl edilen eşyâ ve levâzım-ı sıhhiyesi Afyonkarahisar tarîkıyla Konya'ya sevk ediliyordu. Katâr ve kârbânlar hâlinde hareket eden develer Antalya'dan hayli mesâfe katʻ etdikden sonra gecenin birinde bir gürûh eşkıyânın taʻarruzuna hedef oldu. Kârbânlara refâkat eden Hilâl-i Ahmer'in üniformalı meʼmûrunu en önce gören şakî arkadâş- larına: "-Amân ilişmeyiniz! Bu mâllar Hilâl-i Ahmer'indir!" hitâbında bulundu. Bunun üzerine eşkıyâ tebdîl-i fikir ve tavır etdi. Kârvânı selâmetledi ve hattâ muhâfız vazîfesini îfâ etmek üzere kârbâna sabâha kadar refâkat etdi. Muhterem kâri! Bundan sonra sana tevcîh-i hitâb ediyoruz: En müşkil zamânlarda yaranı saran, hastalığına bakan, açlık zamânında seni bir sıcak çay veyâhûd çorba ile doyurmaya çalışan, esâret zamânında mektûblarını ve emânetlerini nakleden ve sana mümkün olan muʻâveneti yapan, ihtiyâc vaktinde seni giydirip hayâtını hıfz eyleyen, en elîm zamânlarında senin imdâdına koşan ve seni düşünen Hilâl-i Ahmer'i unutma! Onu sev ve sevdir, ona zahîr ol. Çünkü Hilâl-i Ahmer senin ve hepimizindir! _______________ Hilâl-i Ahmer'in ellinci yıldönümü münâsebetiyle merkez-i umûmî tarafından tertîb edilen program: